Camila Alonso logrou ser oitava na Copa do Mundo de Huatulco, por diante de triatletas de Series Mundiais como a portuguesa Melanie Santos.
A internacional do Triatlón Ferrol rematou a natación nun segundo grupo pero en bici o pelotón unificouse e aí Camila Alonso soubo buscar unha boa posición para baixarse na segunda transición entre as primeiras. Na carreira a pé, a ferrolá logrou manterse ata cruzar a meta en oitavo lugar.
O Triatlón Ferrol conseguiu un meritorio quinto lugar no campionato de España de tríatlon por parellas de Primeira
División.
Arrincou o conxunto ferrolán co dúo formado por Morgan Branchoux e Carmen Gómez, quen volvía tras lesión e reviviu a agonía do tríatlon en formato superesprinte pero entregouse o suficiente para dar o relevo en terceira posición. A táctica foi colocarse entre as líderes ao comezo sabendo que a parella da cadete Carmen Jiménez e da fenesa Raquel Ruiz, triatleta que por problemas nas costas non competía desde 2016, perdería algunhas posicións.
Na remuda definitiva, Inés Santiago e Ana Carvajal voaron ata cruzar a meta quintas. “Necesitábamos o dobre de distancia, nun tríatlon esprinte o podio era noso”, asegurou unha emocionada Carvajal.
Coa quinta praza nesta xornada, o Triatlón Ferrol mantense segundo da Liga Iberdrola de Primeira División pero só con dous puntos de vantaxe cos perseguidores.
Camila Alonso rematou na 40ª posición a Copa do Mundo de Cagliari aínda que facendo un parcial de carreira ao nivel do top-10 da proba.
A canteirá do Triatlón Ferrol recoñeceu non sentirse ben desde a natación, tampouco no ciclismo pero si quedou satisfeita da súa carreira a pé. Saca como positivo da proba ter corrido o 5.000 final nun tempo de 18:32, similar ao ritmo que marcaron as triatletas en top-10.
O Triatlón Ferrol logrou o bronce no campionato de España de tríatlon superesprinte por clubs nunha combinación de calidade individual e entrega colectiva.
Inés Santiago, sétima na final e das mellores na semifinal previa, liderou o conxunto departamental en Pulpí. Tras dela, Ana Carvajal entrou no top-10 da final para compensar co seu traballo os puntos que poderían perder as súas compeñeiras con problemas físicos. Morgan Branchoux volveu dalo todo, Carmen Gómez sufriu para meterse na final e mesmo entrou a cadete ferrolá Carmen Jiménez. O bronce forxouse igualmente cos puntos que puido rascar Raquel Ruiz, con dores nas costas que a imposibilitaron clasificarse para a final pero que aguantou para si puntuar na semifinal.
Con este sorprendente e meritorio podio, o Triatlón Ferrol continúa segundo na Liga Iberdrola de Primeira División.
A Escola Javi Gómez Noya atesourou 12 medallas no Tríatlon de Menores de Cedeira.
A nivel individual, subíronse ao primeiro caixón do podio a alevín María Filgueiras e o infantil Alejandro Rodríguez, colgáronse a prata a benxamín Noa Souto, a alevín Lucía Piñón, a infantil Sabela Caneiro e, con caída en bici incluída, a cadete Carmen Jiménez, e David Campos foi terceiro na proba cadete.
Por equipos, os alevíns gañaron con Hugo Goiriz como referente do grupo e as alevíns tamén foron as mellores ao contar con dúas medallistas, os e as infantís colgáronse a prata e os cadetes foron terceiros.
A Escola Javi Gómez Noya atesourou en Nigrán cinco medallas.
Foron de ouro as actuacións da benxamín Noa Souto e a alevín María Filgueiras, mentres que a prata a lograron a alevín Lucía Piñón e o cadete Jorge Morado.
Por clubs, as dúas alevíns no podio xunto a Ainara Pita, cuarta a nivel individual, proclamáronse campioas.
Finalmente a Copa do Mundo de Astaná tivo que celebrarse en formato dúatlon polo frío e iso condicionou o resultado das internacionais do Triatlón Ferrol cun 31º posto para Camila Alonso e unha 43ª praza para Inés Santiago.
Foi Camila Alonso quen arrincou mellor e mesmo chegou á primeira transición liderando a competición despois dos 5 km de carreira iniciais. Mentres, Inés Santiago mantívose no segundo grupo pero notando o alto ritmo que se marcou desde o comezo da proba.
No sector ciclista, Camila Alonso botou en falta o adestramento que lle faltaba despois da caída en bici en Pontedeume. Pola súa banda, Inés Santiago recoñece que nun dúatlon se atopa sen forzas despois de arrincar correndo un 5.000.
As canteirás do Triatlón Ferrol remataron a faena a pé aínda que Camila Alonso tivo que parar dúas veces a estirar por dolor nos xemelgos.
“Por un momento crin que non podería rematar porque me doía moito pero, polo menos, puiden acabar”, comprácese Camila Alonso.
