13.10.2018

O Triatlón Ferrol, sexto no campionato de España por clubs de Primeira División

Equipo SevillaO Club Triatlón Ferrol logrou ser sexto no campionato de España por clubs de Primeira División cunha rápida proba na que meteu a tres triatletas no top-10 individual. Melina Alonso saíu en cabeza da natación e rodou nun pelotón no que colaboraron Carmen Gómez e Morgan Branchoux, xa que a consigna do equipo era apertar o máximo posible para marcar en meta un tempo de corte que puidese deixar fóra a rivais de outros clubs. En carreira, a ferrolá Alonso foi de máis a menos, rematando terceira a nivel individual. A Carmen Gómez, sétima en meta, custoulle atopar o ritmo correndo e Morgan Branchoux saíu lanzada para rematar oitava. Contribuíron á puntuación final do club Pauline Vie, Ana Carvajal e Carmen Jiménez, xa que Raquel Ruiz quedou eliminada polo tempo tan esixente que marcou a vencedora pero tampouco entraron rivais do Bétera, equipo co que o conxunto ferrolán se xoga o top-5 da clasificación final da Liga do máximo nivel estatal.

Na xornada do domingo, o relevo do Triatlón Ferrol defenderano Carmen Gómez, Marcos Ruiz, Ana Carvajal e Iván Puentes.

13.10.2018

Miriam Casillas, top-10 na Copa do Mundo de Sarasota

regreso en ChengduMiriam Casillas logrou unha décima posición na Copa do Mundo de Sarasota, convertida a dúatlon por non poder nadar debido á mala calidade da auga. No primeiro sector de carreira a pé, a pacense do Triatlón Ferrol xa se colocou no pelotón de cabeza. Rodou entre as mellores e soamente sufriu na última parte do sector definitivo a pé. A olímpica dá por bo eo resultado nunha proba na que o podio estivo tan axustado que as dez mellores entraron en meta en cuestión de 20 segundos, o tempo que separou á internacional do Triatlón Ferrol da vencedora. Miriam Casillas prefería ter feito un tríatlon pero completou a Copa do Mundo de Sarasota en versión 2,5 km de carreira, 19 km de ciclismo e 5 km de carreira a pé cunha marca de 54 minutos e 54 segundos. A próxima competición para a internacional do Triatlón Ferrol será en 15 días en Corea do Sur.

23.09.2018

Espectacular top-10 de Edu Saavedra no campionato galego de media distancia

O mellor do Triatlón Ferrol no campionato galego de tríatlon de media distancia foi un Edu Saavedra que rematou en décima posición cun tempo de 4 horas 18 minutos. Entrou 16º na clasificación xeral da proba despois de marcarse uns parciais moi regulares tanto nos 1.900 metros de natación como nos 40 km de ciclismo e na media maratón final a pé. Por grupos de idade, Héctor Mera colgouse o bronce en 40-44 anos.

Ácuatlon de menores Na proba de menores, a alevín Lucía Piñón foi subcampioa e a infantil Sabela Caneiro logrou o bronce.

22.09.2018

Miriam Casillas se cuelga el bronce en la Copa del

Miriam CasillasMiriam Casillas loitou desde o minuto un para facerse coa medalla de bronce na Copa do Mundo de Weihai. A internacional do Triatlón Ferrol saíu da auga ao final do grupo e soubo que podía alcanzar o pelotón de cabeza ao haber unha subida ao comezar o ciclismo. En bici, pensando en deixar atrás a boas corredoras, traballou con rivais como Spivey, estadounidense que acabaría gañando a proba e coa que comparte grupo de adestramento. Nos últimos 10 km finais a pé, a triatleta de Badaxoz remontou o xusto para entrar terceira con 20 segundos sobre a cuarta clasificada. En la tercera vuelta de carrera, conseguí adelantar a Perterer y Takahashi y ya solo pensaba en cruzar la meta. Llevaba el dorsal 40, obviamente no he tenido el mejor año, pero sienta bien volver de esta forma" asegurou Casillas en declaracións á federación internacional tras a competición.

08.09.2018

Marcos Ruiz repite subcampionato galego de ácuatlon

Marcos Ruiz logrou en Combarro o subcampionato galego de ácuatlon por segundo ano consecutivo.

Marcos RuizO canteirán do Triatlón Ferrol rematou os 1.000 de natación no quinteto de cabeza e foi o único que lle puido seguir a estela ao líder da proba, marcando o terceiro mellor parcial a pé no 5.000 final.

Detrás do triatleta de Fene, Pablo Pedrosa rematou en 19ª posición e Borja Catrufo, 25º.

Nas categorías de base, a Escola Javi Gómez Noya sumou seis podios cos ouros da benxamín Lucía Villarnovo e o infantil Alejandro Rodríguez, as pratas do benxamín André Ordiales, a alevín Lucía Piñón e da infantil Sabela Caneiro e o bronce da cadete Carmen Jiménez. Fotos

02.09.2018

A posible rotura dunha deda deixa fóra da Copa do Mundo de Karlovy Vary a Miriam Casillas

Miriam Casillas non puido terminar a Copa do Mundo de Karlovy Vary ao atoparse cunha deda inchada que lle impediu correr.

A pacense do Triatlón Ferrol nadou entre as mellores da proba checa e xa nos quilómetros iniciais do ciclismo, rodando no pelotón de cabeza, chegou o primeiro contratempo. A alemá Lindermann caeu xusto diante de Miriam Casillas, arrastrando a estremeña aínda que puido poñerse en pé rapidamente para enganchar de novo coas líderes.

Ao chegar á segunda transición, entre unha ducia de triatletas, Miriam Casillas tivo problemas para poñerse as zapatillas e ás poucas zancadas deuse de conta de que non sentía unha deda. A olímpica de Badaxoz tivo que retirarse e está á espera de poder facer unha radiografía que descarte a rotura.

Campionato de España de grupos de idade

O Triatlón Ferrol rematou o campionato de España da Coruña cun 16º posto de Pablo Pedrosa –na categoría de 20-24 anos-, 29º de Borja Catrufo e 41º de Ricardo Fernández -25-29-, 27º de Luis Rilo e a retirada de Gonzalo Jiménez -35-39-, 29º de Marcos Caneiro, 32º de Héctor Mera, 43º Pablo Sanjurjo e 45º de Juan Díaz, -40-44-, 30º de José María Eiroa -45-49- e 14º de Manu Pita -50-54-.

01.09.2018

Melina Alonso, sexta no campionato de España

Melina Alonso acadou o mellor resultado para o Triatlón Ferrol sendo a sexta mellor do campionato de España de tríatlon olímpico. Carmen Gómez rematou en top-10 sendo novena de España e Marcos Ruiz, 50º.

Alonso y GómezAs internacionais do Triatlón Ferrol marcaron o ritmo desde o segmento de natación para tirar do pelotón no ciclismo. Carmen Gómez tentou unha pequena escapada nas primeiras voltas pero non tivo colaboración e os postos de privilexio xogaríanse entre unha ducia de triatletas nos 10 km finais de carreira a pé. Melina Alonso foi a primeira en apertar correndo, con Carmen Gómez de preto pero a intensa calor e o esforzo previo deixou sen forzas ás deportistas do club branquiazul para manterse en postos de medalla nos últimos quilómetros. Finalmente, Melina Alonso entrou a un minuto do bronce do campionato e como sexta española.

Pola súa banda, Ana Carvajal, rodando no grupo perseguidor, tivo que abandonar por unha picaba na bici. Deste xeito, e coa baixa de última hora de Camila Alonso por mononucleose, o Triatlón Ferrol non puido puntuar por clubs.

En categoría masculina, unha excelente natación permitiulle a Marcos Ruiz rodar no grupo perseguidor e deu a cara nunha frenética carreira a pé para ser o 51º da xeral e top-50 español para o triatleta fenés sub-23. Fotos elite Fotos grupos y paratri