Nove medallas para a Escola Javi Gómez Noya no Tríatlon de Menores de Sada

Especial éxito de equipo da Escola Javi Gómez Noya no Tríatlon de Menores de Sada ao conseguir medalla en cinco de oito categorías.

En benxamín, a canteira do Triatlón Ferrol sumou o ouro de rebeca Teijeiro e o bronce do equipo masculino; en alevín, a vitoria de Sabela Caneiro propiciou que se colgase a prata por clubs, ao igual que fixo o conxunto masculino, e en infantil, o subcampionato de Alejandro Rodríguez e o bronce de Marcos Gómez facilitaron o triunfo do equipo na xeral, mentres que as súas compañeiras lograron o bronce por equipos.

Desta forma, a Escola Javi Gómez Noya prepárase para o campionato galego de tríatlon de menores que disputará como anfitrioa o 29 de xullo en Ferrol.