09.05.2017

Campioas de España de tríatlon por relevos

Campioas de Relevos FETRIO Triatlón Ferrol sumou un novo título en Águilas gañando con solvencia o campionato de España de relevos.

Na primeira posta, Inés Santiago saíu entre as primeiras da auga, formou no pelotón cabeceiro e xa no sector a pé marchou en solitario para entregar o relevo. Así, Carmen Gómez completou un tríatlon sen deixarse coller e mesmo aumentando a distancia coas perseguidoras, que si ían cambiando de nomes. Pero non o posto de líder, no último e definitivo relevo, Camila Alonso era consciente de que só un erro podía evitar o triunfo. Entrando con calma á meta para gozar do momento, nun tempo de 1:18:29 e con 29 segundos sobre as segundas.

Deste xeito, tras as dúas primeiras xornadas da Liga, o Triatlón Ferrol colócase líder de Primeira División. “Amosaron que están a outro nivel”, concluíu o director técnico do club, Jaime Ruiz, aínda que deixou claro que a Liga é moi longo e non só contan as individualidades.

5º posto da Escola Javi Gómez Noya

No relevo escolar, a Escola Javi Gómez Noya quedou a 46 segundos do podio co equipo que formaron Jorge Morado, na primeira posta, Juan Rejas e Yago Suárez para rematar. O equipo B, finalizou 28º con David Campos, Álvaro Ordiales e Jesús Rodríguez.

Deja tu comentario