Medalla de chocolate con sabor doce para Inés Santiago no Europeo junior

As promesas do Triatlón Ferrol dominaron o Europeo junior cun cuarto posto de Inés Santiago e a décima posición de Rodando xuntas no pelotón cabeceiro, a segunda transición marcou parte da carreira de Inés Santiago, que ao facela lenta tivo que saír correr adiantando en todo momento, e de Carmen Gómez, á quen se lle atascaron as zapatillas e arrincou última do grupo. Dese xeito, a ferrolá Santiago comezou a recuperar posicións e, tras un quilómetro, xa conseguiu poñerse cuarta, mantendo o posto até o final. Tras dela, a pontevedresa Gómez sorprendeuse a si mesma adiantando pouco a pouco ás rivais para lograr ser décima. Como mellor española, a un paso das medallas do Europeo, Inés Santiago cumpre os criterios para poder repetir participación no Mundial junior. Colofón coa prata no Europeo por relevos Pola súa condición de boa nadadora e ciclista, o seleccionador nacional elixiu a Inés Santiago como a primeira relevista do equipo español de dúas mulleres e dous homes. A ferrolá entregou o testemuño segunda e o equipo continuou en cabeza até ser prata no Europeo junior por relevos.