O Triatlón Ferrol entra no top-10 do campionato galego de dúatlon cros sendo oitavo

O equipo do Triatlón Ferrol formado por Juanchi González, Pablo Pedrosa e Marcos Caneiro colocou ao club como o oitavo mellor equipo no campionato galego de dúatlon cros que hoxe se celebrou en Maside. Sendo quen de baixar das dúas horas, o veterano Juanchi González marcou o mellor tempo da expedición departamental e cruzou a meta en 32ª posición. Rozando os 50 primeiros postos, o junior Pablo Pedrosa foi 52º na clasificación xeral e, sendo o máis novo da proba, subiu ao primeiro posto do podio na súa categoría de idade como Campión Galego Junior. Tras del, o veterano Marcos Caneiro logrou ser 57o e, coa suma dos tempos dos tres duatletas, o Triatlón Ferrol entrou no top-10 do primeiro título autonómico de 2016 en xogo. O campionato galego de dúatlon cros tivo lugar esta mañá la localidade ourensá de Maside cun circuíto de 6 km de carreira, 20 km de ciclismo e 3km de carreira a pé. Fotos